آیریمچیل سیاسی لرین، باتی آذربایجان اینکیشافینا ائتگی سی / یاسین حاجی زاده

باش سؤز

دعوت هفته لیک درگی سی

177اینجی سای 

شنبه - 94.6.7

اولکه میزین آنا یاساسینا سیغینیب، ۴۸ اینجی اصلی گؤزده آلاراق، اؤلکه نین مادی عاییداتی، بودجه بؤلوم لری، ائلجه اینکیشافی شاخیصه لر، اولکه بؤلوم لری(اوستانلار) آراسی برابرجه یارانیب، بؤلونملی دیر. آنجاق بیر سیرا بؤلوم لر، ندنی بللی اولمایان آیریمچیلیقلارا معروض اولاراق، اوکونومیک دوروملاری آیریجا اینکیشافی شاخیصه لرله باغلی درومو، زیوالا اوز توتور.اؤتن گونلرین خبر باشلیق لاری، کئچن آیلار ایچرسینده بو آیریمجیلیغین داها قاباریق چیخیشین دان دانیشیر.

۳۷۰۰۰ آلان ایله ۱۲ اینکینجی ائلجه ۳ میلیون جمعیت ایله ۷اینجی اولان باتی آذربایجان، بو آریمچیلیقلارا معروض اولاراق زیوال یاشاییر. گئریلیکه وارمیش باتی آذربایجان، تورکیه، آذربایجان، عیراق اولکه لری قوشونلوق واسیطه سی ایله، ایستیراتریک دوروم قازانمیش، آوروپا کؤرپو ساییلان جوغرافی دورومو، دایانیلمایاجاق اینکیشاف طلب ائدیر.

کندچیلیک، اکینچیلیک، باغدارلیق ائتگیلی پوتانسیل لرین دن فایدالی اولان باتی آذربایجان، حال حاضیردا اؤلکه نین محروم بولوم لریندن سایا گلیر. آیریجا سون دؤنم ده، قوربان علی سعادتین، وئردیی بیلگی لر، باتی آذربایجانین ۴۳ فاییزلیک گلریندن خبر وئریر.

ایللردیر بیزیم اؤلکه ده دؤولت هفته سینین باشلانیشی، بؤولوم لر ایچرسی، میللی، عومرانی، کولتورل پیلانلارین باشلانیشی ایله بیرگه لنیر. ائلجه باتی آذربایجان دا بوتون اؤلکه بولوم لری ایله طابیعا پیلانلارین، باشلانیش یوخسا آچیلیشینا شاهید اولور. آنجاق باشلانیب-آچیلیشان پیلانلارین، سطحی اولوب، کممی-کئیفی باخیم دان، اؤلکه نین ایستاندارد شاخیصه لرین الده ائده بیلمدیی گؤزده اولوب، ندن لری گیزلی سیرلار تک گیزلی قالیر.

بو ایل دؤولت هفته سی بویوجا بولوم سوروملولاری طرفین دن، ۵۹۹ پیلانین آچیلیشی ایله ۳۶ پیلانین باشلانیشینا سیغینیب ائتگیلییجی اولدوغو آچیقلانسادا، گؤزلنیلن تک، کئچن دؤنم لرتای، باتی آذربایجانین دؤلت هفته سی بویوجا اینکیشافی پیلانلاردان پایی، طولاتپه ایله سیلوانانین گاز تجهیزی، انزلین سو کانالیزاسیونو ایله قوشاچای دا نئچه کؤرپو باشلانیشیندان آرتیق اولماییب.

باشلانیلان پیلان لارین بؤلوم سل اولدوقلارینی گؤزده آلاراق، بو پیلانلارین کئچمیش ده باشلانیب یوخسا آچیلیشلارینی گؤزدن آتماق اولماییر. ائلجه اورمو-ماراغا دمیر یولو، سویوق بولاق پتروشیمی سی، ماکی هاوا لیمانی تک میللی واریانت لار ایجرا مرحله سینده دایاندیریلاراق، اؤن سل چالیشمالار دا دوردورولموش.

باتی آذربایجانین دؤولت هفته سی بویو باشلانیب – آچیلیشان، اینکیشافی پیلانلارین آزیمجیل اولدوغونو، مرکزی بؤلوم لرایله ساده بیر قیاسدا، آنلاماق اولور. 

ایصفاهان بؤلومونون اونلارجا اینکیشافی پیلانلار ایچرسینده یئرلشن، خور – بیابانکین جمع ده ۶۰۰ نفره واسیطه ائلجه واسیطه سیز ایش ایمکانی یارادان پتاس ایستحصال مرکزی، بودجه، ایش یاراتیمی ایله مادی گلیر باخیمندان، تکجه لیک ده باتی آذربایجانین ۶۰۰ پروژه سی ایله برابرلیک ائده جک دورومدا یارانیب. ائلجه سایدا ۱۲۹۰ اولان ایصفاهان بؤلومونون اینکیشافی پیلانلاری آچیق شکیلده آیریمجیل سیاست لردن دانیشیر. مرزی بؤلوم لرین بوتولویونده، امنیتی توجیهات واسیطه سی ایله مئیدان اوخویان یانلیش گئدیشات، آیریمجیل سیاست لرین بیر واریانتی ساییلیر.

آیریجا مجلیس وکیل لری ائلجه بؤلوم سل سوروملو لارین، باتی آذربایجان اینکیشاف باره سینده اوغورسوز یوخسا باشارتسیز دوروملاری ائلجه میلتین ایستک لرینی مالی ده یر لرین توتارمامازلیغی، بؤلومون آریمجیل سیاست لره یئنیلمک ندن لری آراسیندا، سایا گتیرمک اولار.

بو آرادا مجلیس وکیل لری، آیریجا بؤلوم سل سوروملولارین، آلدیغی سورو ایله وئردیی جاوابلار آخیمیندا، آزاجیق اویارسیزلیق آخیمی گؤزدن آخیر. سئچگی لر اؤنو اینکیشاف ایله گئریلیگه سون وئرمک تک شیرین ائلجه ایده آل وعده لر وئرن وکیل لرین، ایقتیصادی بایکوت ائتگی لری تبرئه ائدیجی اولماییب، ایصفاهانین بو بایکوت لارا نیه یئلمدیی تک سورولار، دوشونه جک آغلی منیم سییر. حال کی آلینان، سینیریندان آرتیق ایلکی سیز ائلجه تبرعه آماحی ایله ماهنا قوخوسو وئرن جاوابلار، دوشونرلری کندیسی ایله تانیش ائدیب. اومود گئدیر گله جک سئچگی لرده، دوغرو سئچیم ائلجه اوزمان وکیل لرین، پارلیمان گئچیرتمه سی ایله، نه تکحه باتی آذربایحان، بلکه بوتون بؤلوم لرین اینکیشاف یولو شیماللانسین.