اؤن سوز
58 اینجی ایلین فروردین
آیییندا، آزربایجان تورک میللتینه چوخ آجی بیر خاطیرلاما یاتیرلیب. کورد تئرور اورگوتلری،کوردوستان
دئموکرات حیزبی، عبدالرحمن قاسملونون سرکردلیی ایله، سولدوزدا سوی قیریم تؤرتمک
اماجی ایله، بو گونده 20 مین نفرلیک سیلاحلی قوه نی سولدوز شهرینه داخیل ائدیرلر.کورد
سیلاحلی قوه لرینین، سولدوزا باسقینی، 57 اینجی ایلین بهمن آیینین 30، ماهاباد
پادیگانین ایشغالین دان سونرا حایاتا کئچیریلیر، بئله کی سولدوزون ایشغالی، باتی
آزربایجانین باشقا شهرلیرینین تصروفونه بیر آچی ساییلیردی.
سولدوز ساکینلری، موهاجیم
لرین چیرکین اماج لاریندان آگاه اولاراق، قالا باشی مرکزینده تجمعا کئچیب، بدلسیز
بیر دیرنیشین باشلانیشچی سی اولورلار. شاشیرمیش موهاجیملر، سولدوز مودافیع لرینین
دیرنیشی اساسیندا، دویونلرینین آچیسینی، شهر ایچره سیلاح سیز ائولره اتش آچماقدا
بولوب، چیرکین جینایتین عملکاری اولورلار.
سولدوز میلتینین بدلسیز
دیرنیشی، حجته السلام حسنی نین، عومومی سیلاحلانما فرمانی اساسدا، اؤرگوتلو شکله
کئچیب، مودافیعلره قول اولمالق اماجی ایله سولدوزا داخیل اولوب، اوزون اتیشمادان سونرا،
کورد تئرور قوه لرینی، گئری چکیلمک مجبورییتینه قویورلار.
اؤنوزده کی یازی دا
چالیشیلاجاق، قیسسا شکیلده، سولدوز اولای لارینا راجیع، اطرافلی دانیشیلسین.
اولایین اچیقلاماسیندا
بو ایل فروردین آیینین 31 اینجی گونو، کورد
سیلاحلی قوه لرینین سولدوز شهرینه سالدیری سی، همچنین سولدوز میللتینین اونلارا
قارشی آپاردیغی موقاویمتین 36 اینجی دؤنومودور. سولدوز، 58 اینجی ایلین فروردین
آینین 31 اینجی گونونده، کورد سیلاحلی قوه لری، اونلارین باشیندایسا، دئموکرات
حیزبی نین ، سالدیرسینا معروض قالاراق قانلی بیر سوی قیریم یاشادی.
57 اینقیلابی ظفره چاتدیقدان سونرا، دئموکرات
کوردوستان حیزبی، عبدالرحمن قاسیملوایله، ماهاباد ایمام جومعه سی، شیخ عزالدین
حوسئینی نین، رهبرلیی اساسدا یئنی دن جانلاناراق، کوردلرین عومومی بسیج ائتمسینه
چالیشدی. بو چالیشمالارین ایلک حاصیلی ایسه، ماهاباد پادیگانین، ایشغال و غارت
اولنماسی ایدی. 57 اینجی ایلین ایسفند آیین بیراینجی گونونده، باش وئرن بو حادیثه،
نه تکجه کوردوستان دئموکرات حیزبی نی، بلکه کورد سیلاحلی قوه لرینین، گوجونو نئچه
قاطلار آرتیردی.
کورد تئرور اورگوتلری،57 اینجی ایلین ایسفند
آیینین بیر اینجی گونونده، سنندج پادیگانین، ایشغالیندان، ناکام اولدوقدان سونرا،
فعالیت مرکزلرینی، آزربایجانا کوچوروب، سولدوز ایستراتژیک منطقه سینی سئچیرلر. سولدوز
تورک اکثریت ساکینلیی ایله اولان شهر، باتی ازربایجانین، جنوبی شهرلرینین، بیر
بیره ایتصال یولو ساییلاراق جلدیان، پسوه، پیرانشهر پادیگان لاریینین یولو اوسته
دایاناراق، آیریجا، آزربایجانین، عیراق اؤلکه سی ایله موراویده قورا بیلجیی تکجه
گؤمرویون(تمرچین) بیریجیک طریق ساییلیب، او نوقاط ایله فاصیله سی ترتیبب ایله، 21،
35، 45 کیلومتر ایدی.
کورد تئرور اورگوت لری، ان باشدا ایسه کوردوستان
دئموکرات حیزبی، بو اوچ ایستراتژیک پادیگانی حصر ائتمک ها بئله "خانا"،
اوشنو و گوزئی عیراق ایله مستقیم تاماس تاپا بیلمک اوچون، سولدوز شهرینه مسلط
اولمالی دیلار. نیه کی سولدوز میللتی نه تکجه طبیعی حالدا، کورد اورگوتلرینه بؤیوک
بیر مانئع حئسابا اولونوردولار، بلکه کونوللو اولاراق، موجاهید، جوانمرد آدلاری
ایله، پهلوی رژیمینین سقوط ایله بوشالتیلان، بو اوچ پادیگاندان، مودافیعه
ائدیردیلر.
کوردوستان دئموکرات حیزبی، بو مقصد وارماق ، ها
بئله رعب، وحشت ایجاد ائتمک واسیطه سی ایله سولدوز سوی قیریمینا روانی بستر
دوزنلمک آماجی ایله، جومعه، 58 اینجی
ایلین فرئردین آیینین 31 اینجی گونونده، 20 مین نفر نفوس دان ایجماع اولونان،
سیلاحلی میتینگی، سولدوز شهرینده تشکیل ائتدی.
سولدوز تورکلری، مرحوم حاج عظیم معبودی نین
رهبرلیی ایله، الده اولان آزاجیق حربی، شیکاری سیلاح لاری ایله، 3 گون
اینادکارجاسینا دیرنیش دن سونرا، تجاوزکارلاری اوغورسوز قویاراق شیکسته معروض
ائتدیلر. 4اونجو گون، حجته السلام حسنی، سیلاحلی قوه لایله برابر سولدوزا داخیل
اولوب، شهر اطرافیندا اوردو قوران موهاجیم لری، گئری چکیلمیه وادار ائدرک،
تجاووزکارلارین شررینی تاما دفع ائتدیلر.
سونوچدا
کورد تئرور اورگوت لرینین، سولدوزون ایشغال
مسئله سینده اوغورسوز اولماسینا باخمایاراق، سولدوز سؤی قیریمینین مسئله سینده،
کندیلرینی سوچسوز گوناهسیز تانیتماق پوروسه سینده هابئله گرچک لرین ساختاکارجاسینا
تحریف ائدیب، بو آلانلاری، کوردوستان، ( مناطق کردنشین) تانیداراق، باتی
آزربایجانی، آیلیق، هفتلیک درگی لرینده، کورد سکنه لی آلانلار،
گوزئی کوردوستان، موکریان، کوردوستان موکریان تانیدیرلار. بونا باخمایاراق کی،
1385 اینجی ایلین گنل نوفوس ساییمی، باتی آزربایجانین ائتنیک ترکیبینی هرکسه
آیدینلادیب، چالیشیرلار کورد آزینلیقینی، تورک اکثریتیندن آرتیق سای دا تصویر
ائتسینلر.
سون ایللرده کورد تئرور اؤرگوتلری چالیشیرلار،
باتی آزربایجان خصوصی ایله اورمودا، آددا مدنی اولان ائعتیراضی تجمع لارین دوزنلمه
سی ایله، بو اراضی نی کورد اکرثیت دی اولان مناطیق تانیتدیرسینلار. باتی
آزربایجانین بعضی شهرلرینده، کوبانی شهرینین حصرینه راجیع اولان ائعتیراضی
ییغیناقلار، کورد تئرور اورگتلرینین ان سون فاعالیت لریندن ساییلیر. عمداتا شیکسته
معروض قالان بو ییغیناق طوتئه لری، آزربایجان میلتینین 1393/7/24 ییغیناقی
ایله خنثی اولوبن، اؤلوم اولسون پژاکا-
محو اولسون پ کاکا، عئینی زاماندایسا شهیدلر اؤلمز وطن بؤلونمر شوعارلارینین، یوزلر
آزربایجانلی نین دیلیندن سسلنمه سی ، باتی آزربایجانین تورک اولماسینی هر بیر
دینلین فرده انلاتدی.
سون
یاسین حاجی زاده
1394/1/27
.
هیچ نظری موجود نیست:
ارسال یک نظر