سویوق بولاق دان(ماهاباد) سنندجه، قامیشلی دان اربیله قدر/یاسین حاجی زاده

دعوت هفته لیک درگی سی

باش سؤز

182اینجی سای

چهارشنبه-94.10.16

 

دئموکراتیک خالق پارتی سی، تورکیه نین آچیق سیاسی اورتامیندا چالیشماغا باشلادیغی گوندن، آدلیم سیاسی اوزمانلار ایله دوشونجه الده لری، بو حیزبین باشچی لاری ائلجه باش فاعاللاری نین کئچمیش رئزومه لرینه سیغاناراق، بو سیاسی اؤرگوتو پ.ک.ک نین زوراکیلیق ایله یاییمچیلیق دولو آماجلارینا چاتماق اوزره، یاراتدیغی سیاسی قول آدلاندیردیلار.

آنجاق H.D.P رهبرلیی باشیندا اولان صلاح الدین دمیرتاش ایله اونون ساوونوجولاری ایله بو پارتیا باغلی مئدیالار، آپاردیقلاری دانیشیقلار آراسیندا کندی لرین هئچ هانسی بیر اؤرگوته باغلی اولمایان سیاسی پارتی آدلاندیریب، نه تکجه کوردلرین حاقینی قورویون، بلکه بیر اولوسال پارتی تک بوتون ازیلن لرین حق ساوونوجوسو تک چیخیشین دان دانیشدی.

زوراکیلیق، تئرور ایله نیفرته سون قویماق تک پوپولیستی شوعارلاری وورغالایان H.D.P کندی سی نی عدالت، صولح، حضور پارتی سی آدلاندیرماغینا باخمایاراق، سون ایللر بویو، اؤزللیکجه داعیش سورونو گوندمه گلمه سی ایله بیرگه، H.D.Pنین سوریه ایله عیراق دا آپاردیغی ائیلم بوتونلویو آیریجا P.K.K  نین یئنی دن باشلانیلان داغیدیجی عمل لری اونون گرچک اوزونو آیدینلادیب،ییخیجی دوشونجه لرینی اوزه چیخاردی.

اH.D.P نین کوبانی(مورشید پینار) اولای لاریندان رئکلامیک قوللانیمی، تورکیه - سوریه سرحدلرینده یاشایان اینسانلاردان حیمایت بهانه سی ایله دوزنلدیی قانلی قارقاشالار، سیلاح سیز شهرداشلار P.K.K طرفین دن قیریمی ایله تورکیه نین دوغو بؤلومونده امنیت سیز تؤرتمه سینه دستک اولوب، سوریه قوزئیینده تورکمانلار ایله عربلرین، کوردوستان یارادیم دئیه سوی قیریم ائدن، Y.P.G نین پارتی طرفین دن ساوونولماسی، آریجا سئچگی وعده لری بویوجا علوی لر، ازیلن خالق لار آیریجا جینسی آزینقلارین حاق ساوونوجوسو تک چیخیش ائدیب، سس صاندیقلارینی توپلادیق دان سونرا، ساییلان قاتلارا اوز چئویرمه سی، بو یازی بویوجا H.D.P باره ده ایدعا اولونان سورونچولوقلارینا آیدین اؤرنک ساییلیر.

ساییلان یوروملار H.D.P اورتاق رهبری دمیرتاشین، سون سؤیلم لری باره ده قارانلیقلاری آیدینلاییب، پارتی نین اورتادوغو ایله کورد گله جیی، آیریجا " 21اینجی عصرین کوردلری، اورتادوغو کوردلری نین اورتاق یولو، کورد اورتاق دؤولتی آیریجا سویوق بولاق(ماهاباد) دان سنندجه، اربیل دن قامیشلیا قدر، یاراداجاغیمیز قوجا کوردوستان تک قیدلرینی، آرتیقجا آیدینلاردیر.

کئچمیش ده تورکیه ده برابرلیک-قارداشلیق آیریجا تورکیه نین باغیمسیزلیق ایله امنیت گوون لرین دن دانیشیب، اؤلکه وی قونشولار ایله کئچیلمز ایلگی قورماق هارایی آتان H.D.p، 180 درجه لیک دؤنوشله ایران، سوریه، عیراق،  تورکیه تک قوجامان ایسلامی اؤلکه لرین تهلیکیه سالیب، اینکیشافچیل-رادیکال تئرور آخیملارینی وورغولایاراق، رویایی کوردوستان اؤلکه سین دن دانیشیب، بو سیاسی خریطه نین یارانماسینا قارشی اونودلار سونور.

کئچن گونلرده غرضلی سؤیلش لرایله ایران، تورکیه، سوریه، عیراق اؤلکه بوتولویونه قارشی گلن H.D.P اورتاق رهبری صلاح الدین دمیرتاش، " ماهاباد، سنندج، باتی آذربایجان" دان آد چکه رک، بو شهرلری پانکوردیسم ایدعاسینا توش آلاراق بو بؤلگه لری خیالی کوردوستان اراضی ساییب ایراندان آیریلما وورغوسو " روداو " مئدیا سینین سیته و رسمی تئلوزیونوندا رسمی شکیلده قئید اولوندو.

 آردیجا دمیرتاش سویوق بولاق دان سنندجه، اربیل دن قامیشلیا قدر کوردلرین بیر یولدا آدلیملاماق لارینی خاطیرلاداراق، 21اینجی عصیرده بیر واحید سرحد ایچرسینده توپلانمالارینی وورغولادی.

دمیرتاشین، ایران، تورکیه، عیراق و سوریه تک قوجامان ایسلامی دؤولت لری تهلیکیه سالا بیله جک وورغولاری، اورتا دوغونو آرتیقجا یانقین دورومونا گتیرسه ده، اینسان آیریجا باشقا میللتلر حاققینا قارشی اورتاقلاشما، بو P.K.K یا باغلی سیاستچی نین بئینینه سئنمییب، بیلینج آلتیندا یئر سالا بیله جک دورومو الده ائلده بیلمییر.

اورتا دوغونون ایللر بویو حیصصه وی گوج لرین اویاریمی ائله جه باتی دؤولت لری نین یاردیمی ایله، ایرقیچی لیق تمللی ساواشلار اودونا یئم اولدوغونو گؤزده آلاراق، کندینی کورد حاق قوروجوسو سایا گتیرن حیزبی لیدر طرفین دن قونشو اؤلکه لره قارشی گئدن ارضی ایددیعا، بؤلگه ده زوراکیلیق آیریجا گوونسیزلیین داوامینی دوغرولدور.

اؤلکه میزین ارضی بوتونلویون سوروغو آلیتانا آلیب، امنیتسیزلیک ایله ارضی پوزولوم تهلیکه سی تؤره دن بو پارتی سؤزچوسو آیریجا ایرقیچی-یاییمچیلیق دوشونجه لرینه قارشی،  اؤلکه دیش دیپلوماسی سوروملولارینا قوشقولو موضع لرین ایشه کئچیرتمه سی، آردیجیل داوام ائتمه سی گرکیر.

اH.D.P نین آیریمجیل - ایرقیچی دوشونجه لری ایله باغلی بیلینج آلانلاریندا مینلرجه یورومون آت چاپماسینا باخمایاراق،اونو آچیق - آیدین ساوونوجو مئدیالار، اؤرگوتلر ایله شخص لره H.D.P نین ایرقیچی - یاییمچیلیق ایله ن دولو اولان چیرکین دوشونجه لرینینه قارشی بیلیم قازانماقلارینا داها آرتیق سوره گرکیر. آنجاق گنل دوشونجه لر آیریجا دوشونر ایجماسی، ساوونوجولارین مؤوضع بیلدیری سینی گؤزلییر. ساوونوجولار بو قونویا شیددت گؤستریب قارشی چیخاجاقلار؟ یوخسا ساوونوب ایده آل گؤتسرمسی چون جان آتاجاقلار؟ بلکه ده چوخ زامانلار تک سوکوتا چوکوب پرده آرخاسیندا گیزلنه جکلر.